काठमाडौं । एनएमबि बैंकको प्रवद्र्धन र एनएमबि क्यापिटलको व्यवस्थापनमा अर्को म्युचुअल फण्ड आउँदैछ । एनएमबि सरल बचत फण्ड–ई नाम दिइएको उक्त म्युचुअल फण्डका लागि २५ करोड रुपैयाँ बराबरका २ करोड ५० लाख इकाईका १७ गतेदेखि बजारमा खुला हुन लागेको हो ।
खुलामुखी प्रकृतिको यो फण्डले १ अर्बको कोष सञ्चालन गर्ने योजना बनाएकोमा हाल ४० करोड रुपैयाँ उठाउन लागेको छ । यसमध्ये कोष प्रवद्र्धक बैंक र व्यवस्थापक क्यापिटलका लागि १५ करोड रुपैयाँ छुट्याएर २५ करोडको सार्वजनिक निष्कासन गर्न लागिएको हो ।
यही १७ गतेदेखि खुला हुने उक्त आईपीओ छिटोमा भदौ २१ र ढिलोमा भदौ ३१ गते बन्द हुनेछ । यसका लागि न्यूनतम १०० इकाईदेखि अधिकतम ४० लाख इकाईसम्मका लागि आवेदन दिन सकिने जनाइएको छ ।
