काठमाडौं । कैलाश हेलिकप्टर सर्भिसेस् लिमिटेडले आफ्नो जारी पुँजी ३५ करोड रुपैयाँको १० प्रतिशत अर्थात् १०० रुपैयाँ अंकित दरको ३ लाख ५० हजार कित्ता साधारण शेयर जारी गर्ने भएको छ । त्यसका लागि कम्पनीले लागि मुक्तिनाथ क्यापिटललाई धितोपत्र निष्काशन तथा बिक्री प्रबन्धकमा नियुक्त गरेको छ ।
बुधवार आयोजित एक कार्यक्रममा कैलाश हेलिकप्टरको तर्फबाट प्रबन्ध सञ्चालक प्रतापजङ्ग पाण्डे तथा मुक्तिनाथ क्यापिटलको तर्फबाट प्रमुख कार्यकारी अधिकृत कवीन्द्र ध्वज जोशीले सम्झौता पत्रमा हस्ताक्षर गरेका छन् ।
३ करोड ५० लाख रुपैयाँ शेयर पुँजी बराबरको १०० रुपैयाँ अंकित दरको शेयर प्रचलित कानूनको अधीनमा रही सर्वसाधारणहरूलाई प्रिमियम मूल्यमा जारी गर्ने कम्पनीले जनाएको छ ।
