काठमाडौं । विश्वको जनसंख्या ८ अर्ब पुगेको छ । वर्ल्ड पपुलेसन रिभ्युले बिहीबार उक्त संख्या ८ अर्ब छोएको जनाएको हो ।
उक्त संस्थाले सबै देशको जनगणनामा आधारित वृद्विदरको भारित आैसत वृद्धिदरमार्फत् जनसंख्याको अनुमान गर्छ ।
रिपोर्ट अनुसार अहिले भारत १ अर्ब ४३ करोड जनसंख्या सहित सर्वाधिक जनसंख्या रहेको मुलुकमा कायम छ । दोस्रोमा चीन १ अर्ब ४२ करोड र तेस्रोमा अमेरिका ३४ करोडसहित तेस्रो स्थानमा छ ।
त्यस्तै, इन्डोनेसियामा २७.८४ करोड, पाकिस्तान २४.२४ करोड, नाइजेरिया २२.६० करोड, ब्राजिल २१.६९ करोड, बंगलादेश १७.३६ करोड र रसिया १४.४२ करोड जनसंख्यासहित क्रमशः रहेका छन् ।
विश्वका अधिकांश राष्ट्रमा यतिबेला जनसंख्या घट्न थालेको छ । भारत चीन जस्ता मुलुक समेत जनसंख्या गिरावटको अवस्थामा पुग्न लाग्दा विश्वमा पुस्तान्तरणको समस्या देखिँदै गएको छ । विभिन्न रिपोर्टले विश्वको अधिकतम जनसंख्या ८.५ अर्बभन्दा माथि नजाने प्रक्षेपण गरेका छन् ।
