काठमाडौं । अष्ट्रेलिया छैंटौंपटक एकदिवसीय क्रिकेटको विश्व विजेता बनेको छ । विश्वकप क्रिकेट प्रतियोगिता अन्तर्गतआइतबारको फाइनल खेलमा भारतले दिएको २४१ रनको लक्ष्य ४३ ओभरमा पूरा गर्दै १३ अौं एकदिवसीय विश्वकपको उपाधिउचालेको हो ।
अष्ट्रेलियाका लागि ट्रभिस हेडले शतकीय पारी खेल्दै १३९ रनको विशाल योगदान दिए । त्यस्तै मार्नस लाबुस्कागने ५७ रन बनाएरनटआउट रहे ।
टस जितेर पनि पहिले फिल्डिङ रोजेर जोखिम उठाएको अष्ट्रेलियाले भारतलाई सस्तैमा समेट्दै आफ्नो रोजाईलाई पुष्टि गरेको छ ।भारतका टप अडर ब्याटरहरु आज सस्तैमा समेटिए । भारतका लागि केएल राहुलले सर्वाधिक ६६ रन तथा विराट कोहोलीले ५४रनसहित अर्धशतकीय पारि खेल्नुबाहेक अन्य ब्याटरहरुले उत्कृष्ठ प्रदर्शन गर्न सकेनन् ।
ओपनरद्वय कप्तान रोहित शर्मा ३१ बलमा ४७ रनसहित उत्कृष्ठ स्ट्राइक रेटसहित आउट भए । अर्का ओपनर शुभमन गिल भने ४ रनमैआउट भएका थिए ।
