काठमाडौं । सरकारले विभिन्न तहका कर्मचारीहरुका लागि नयाँ तलबमाा निर्धारण गरेको छ । मन्त्रिपरिषद्को सोमबारको बैठकले यस्तो तलवमान स्वीकृत गरेको हो ।
स्वीकृत भएको तलवमान अनुसार कार्यालय सहयोगीदेखि मूख्यसचिवसम्मको तलब निर्धारण गरिएको छ । निर्धारित तलबमान अनुसार मुख्यसचिवको तलब ६७ हजार १ सय ४० रुपैयाँ तोकिएको छ ।
त्यस्तै, सचिव तहका कर्मचारीको तलब ६२ हजार ६ सय ८०, सहसचिवको तलब ४९ हजार ३ सय ८०, उपसचिवको तलब ४२ हजार ३ सय ८०, शाखा अधिकृतको ३७ हजार ९ सय ९०, नायव सुब्बाको ३० हजार २ सय, खरिदारको २८ हजार ६ सय १० र कार्यालय सहयोगीको २४ हजार १० रुपैयाँ तलबमान निर्धारण गरिएको छ ।
