काठमाडौं । सर्वोत्तम सिमेन्टले बुक बिल्डिङ प्रक्रियाबाट सेयर निष्कासन गर्न अनुमति पाएको छ। धितोपत्र बोर्डले सर्वोत्तमलाई बुक बिल्डिङ प्रक्रियाबाट सेयर निष्कासनको अनुमति दिएको हो।
बोर्डले सर्वोत्तमलाई प्रतिकित्ता ४ सय १ रूपैयाँका दरले निष्कासन गर्न अनुमति दिएको हो । कम्पनीले पहिलो चरणमा संस्थागत लगानीकर्तालाई ४० प्रतिशत सेयर निष्कासन गर्ने अनुमति पाएको छ ।
सर्वोत्तमले बुक बिल्डिङ विधिमार्फत आईपीओ निष्कासन गर्न बोर्डमा २०७९ असार २८ गते निवेदन दिएको थियो ।
सर्वोत्तम सिमेन्टले पहिलो चरणमा २४ लाख कित्ता सेयर निष्कासन गर्नेछ ।
सर्वोत्तम सिमेन्टको सेयर निष्कासनका लागि बिक्री प्रबन्धकमा ग्लोबल आईएमई क्यापिटल रहेको छ ।
