काठमाडौ । आगामी साउन ३१ गते देखि सञ्चालन हुन लागिरहेको कक्षा १२ को परीक्षा स्थगित गर्ने नगर्ने भन्ने बिषयमा छलफल गर्न राष्ट्रिय परीक्षा बोर्डको बैठक बस्दै छ ।
कोरोना महामारीका कारण विभिन्न तहका परीक्षाहरू निर्धारित समयमा सञ्चालन हुन सकिरहेका थिएनन् । दोस्रो लहरको निषेधाज्ञा खुला भएपछि एउटा कक्षामा २५ जना मात्र विद्यार्थी रहने गरि परीक्षा सञ्चालन गर्न थालिएको थियो । तर, कोरोना संक्रमण बढ्दै गएको भन्दै स्वास्थ्य तथा जनसङ्ख्या मन्त्रालयले सबै तहका परीक्षा स्थगित गर्न सिफारिस गरेपछि विद्यार्थीहरु अन्योलमा परेका छन् ।
साउन ३१ गते देखि सञ्चालन हुने गरि कार्यतालिका तोकेको कक्षा १२ को परीक्षाको अन्तिम तयारीमा रहेको बेला यस्तो सिफारिस आएपछि अब परीक्षा हुने नहुने बारे छलफल गर्न बैठक बसेको हो ।
