काठमाडौं । नेपाल धितोपत्र बोर्ड ब्रोकर कमिसन घटाउने अन्तिम चरणमा पुगेको छ । बुधबार विहान बोर्डमा बसेको बैठकले कमिसन घटाउने निर्णय गरेको हो ।
बोर्डमा उक्त निर्णय भएपछि अन्तिम स्वीकृतीका लागि अर्थ मन्त्रालय पठाइएको छ । अर्थ मन्त्रालयले त्यसको जवाफ पठाएपछि बोर्डले नयाँ ब्रोकर कमिशन दर सार्वजनिक गर्ने जनाइएको छ ।
बोर्डले ब्रोकर कमिसन घटाउने भन्दै यसअघि पटक पटक लगानीकर्ता, ब्रोकरसँग छलफल गरेको छ । बोर्डले यसअघि २०७७ पुस १० गते संगठित संस्थाको सेयरको प्रत्येक खरिद तथा बिक्रीमा लिने ब्रोकर कमशिन घटाएर माथिल्लो सीमा ०.४० प्रतिशत र तल्लो सीमा ०.२७ प्रतिशत कायम गरेको थियो ।
आउने दिनमा यस अघि जुन जुन स्ल्याबमा शुल्क लाग्ने गरेको थियो त्यसैमा १० प्रतिशत घट्ने बताइएको छ।
