काठमाडौं । माथिल्लो मैलुङ खोलाको आईपीओ बाँडफाँटको मिति तय भएको छ । कम्पनीले सर्वसाधारणका निष्काशन गरेको आईपीओ कात्तिक ३ अथात् शुक्रबार गर्ने भएको हो । बाँडफाँटको मिति तोकिएपनि समय भने तय नभएको क्यापिटलले जनाएको छ ।
किनभने यसमा मागभन्दा १०.८० गुणा बढी आवेदन परेको छ । कम्पनीले असोज १८ गतेदेखि २२ गतेसम्म सर्वसाधारणलाई आइपीओ बिक्री खुला गरेको थियो ।
यसमा १२ लाख ४९ हजार १०७ जनाले कुल १ करोड ३८ लाख ८० हजार ५९० कित्ताका लागि आवेदन दिएका छन् । जसमा १ लाख २८ हजार ४२० जनाले मात्र सेयर हात पार्नेछन् । बाँकी ११ लाख २० हजार ६८७ जनाको भने हात खाली हुनेछ ।
कम्पनीले सर्वसाधारणका लागि १२ लाख ८४ हजार २ सय कित्ता सेयर आईपीओ जारी गरेको थियो । कम्पनीले यस अघि नै आयोजना प्रभावित स्थानीय र श्रम स्वीकृति लिई वैदेशिक रोजगारीमा रहेका नेपाली नागरिकका लागि शेयर निष्काशन गरि बाँडफाँड समेत गरिसकेको छ । यसमा बिक्री प्रबन्धकको काम सानिमा क्यापिटलले गरेको छ ।
