काठमाडौं । अरुण काबेली पावर लिमिटेडले २० लाख कित्ता साधारण शेयर लिलामीमा बिक्री गर्ने भएको छ । कम्पनीले निष्काशन गरेको हकप्रद शेयरमा आवेदन नपरेको २० लाख १४ हजार ८१७ कित्ता शेयर आजदेखि लिलामीका लागि खुला गरिएको हो ।
उक्त शेयरमा कार्तिक १४ सम्म आवेदन दिन सकिने बिक्री प्रबन्धक नबिल इन्भेष्टमेन्टले जनाएको छ । लिलामीका लागि न्यूनतम एक सय रुपैयाँ र न्यूनतम सय कित्ता आवेदन दिनुपर्ने जनाइएको छ ।
