काठमाडौं । दुई कम्पनीको आईपीओ नेप्समा सुचीकृत भएको छ । आईपीओ सुचीकृत हुनेमा हाथवे इन्भेष्टमेन्ट र मान्डु हाइड्रोपावर रहेका छन् ।
मंगलबार हाथवे इन्भेष्टमेन्टको २ करोड ३४ लाख कित्ता आईपीओ नेप्सेमा सूचीकृत भएको छ । कम्पनीले पहिलो कारोबारका लागि प्रतिकित्ता न्यूनतम ९५ रुपैयाँ ९ पैसादेखि अधिकतम २ सय ८५ रुपैयाँ २७ पैसा ओपनिङ्ग रेञ्ज पाएको छ ।
त्यसैगरी, माण्डु हाइड्रोपावरको १ करोड ३६ लाख ३६ हजार ३ सय ७० कित्ता आईपीओ नेप्सेमा सूचीकृत भएको छ। कम्पनीले पहिलो कारोबारका लागि प्रतिकित्ता न्यूनतम १ सय २४ रुपैयाँ ४२ पैसादेखि अधिकतम ३ सय ७३ रुपैयाँ २६ पैसा ओपनिङ्ग रेञ्ज पाएको छ ।
दुई कम्पनीको आईपीओ नेप्सेमा सुचीकृत भएसँगै दोस्रो बजारमा कारोबारको लागि योग्य भएको छ ।
