काठमाडौं । शेयर बजार र कारोबार रकम दुवैमा सुधार देखिएको छ । आज शेयर बजार ९.२४ अबंकले बढेर १९६७.९७ अंकमा पुगेको हो । त्यस्तै, हिजो १ अर्ब १६ करोड रहेको कारोबार रकमा आज झिनो वृद्धि भएर १ अर्ब १७ करोड रुपैयाँ पुगेको हो ।
आज बजारमा १७४ वटा कम्पनीको शेयर मूल्य बढ्यो । ५२ वटा कम्पनीको मूल्य घट्यो भने ६ वटा कम्पनीको मूल्य स्थिर रह्यो । ७ कम्पनीको मूल्यमा ५ प्रतिशत भन्दा धेरै वृद्धि र एउटाको ५ प्रतिशत भन्दा धेरै गिरावट आयो ।
आज बजारमा पहिलोपटक कारोबार सुरु भएको सिटिजन्स लाइफ इन्स्योरेन्स कारोबार रकम र संख्याका आधारमा सबैभन्दा धेरै कारोबार हुने कम्पनी बन्यो । शेयर संख्याका आधारमा भने हिमाल दोलखा हाइड्रोवावर सबैभन्दा माथि रह्यो ।
बजारमा झिनो अंकको मात्रै सुधार भए पनि आज बैंकिङ बाहेक अरु सबै समूहमा सुधार देखिएको छ । बैंकिङ समूह भने आज स्थिर रह्यो ।
