काठमाडौं । दुई बैंकको शेयर मुल्य समायोजन भएको छ । यसरी मूल्य समायोजन हुनेमा एनआईसी एशिया बैंक र एभरेष्ट बैंक रहेका छन् ।
एनआईसी एशिया बैंकको २९ प्रतिशत बोनस बापतको नेप्सेले सोमबार शेयर मुल्य समायोजन गरेको हो । समायोजन पछि सो बैंकको शेयर मूल्य ५ सय ९० रुपैयाँ ३१ पैसा कायम भएको छ भने यस बैंकको अन्तिम कारोबार ७ सय ६१ रुपैयाँ ५० पैसामा भएको थियो ।
एभरेष्ट बैंकको १० प्रतिशत बोनस बापतको नेप्सेले सोमबार शेयर मुल्य समायोजन गरेको हो । समायोजन पछि सो बैंकको शेयर मूल्य ५ सय १४ रुपैयाँ ५५ पैसा कायम भएको छ भने यस बैंकको अन्तिम कारोबार ५ सय ६६ रुपैयाँमा भएको थियो ।
