काठमाडौं । अपि पावर कम्पनीको १२ लाख कित्ता भन्दा बढी शेयर बिक्री भएन । कम्पनीले जारी गरेको ४० प्रतिशत हकप्रद शेयर बिक्रीको क्रममा सो बराबरको शेयरका लागि आवेदन नपरेको हो । अब सो शेयर लिलामीमार्फत् बिक्री गर्न लागिएको छ ।
कम्पनीको शेयरका लागि शेयरको बिक्री प्रबन्धक मुक्तिनाथ क्यापिटलमा असोज १७ देखि २४ गतेसम्म सिलबन्दी बोलपत्रमार्फत् आवेदन दिनसक्ने जनाइएको छ । यसका लागि न्यूनतम १०० कित्ता र १०० रुपैयाँ प्रतिकित्ता मूल्य प्रस्ताव गरिएको छ ।
कम्पनीले १ अर्ब ६५ करोड रुपैयाँ बराबरका १ करोड ६५ लाख कित्ता हकप्रद शेयर जारी गरेको थियो ।
