काठमाडौं । माछापुच्छ्रे बैंकले लाभांश घाेषणा गरेकाे छ । बैंकको आज भदौ १३ गते अथात् बुधबार बिहान बसेको संचालक समितिको बैठकले आर्थिक वर्ष २०७९/८० को लाभांश प्रस्ताव गरेको हो ।
जस अनुसार बैंकले हाल कायम चुक्ता पुँजीको १३.३० प्रतिशत बोनस र कर प्रयोजनको लागि ०.७० प्रतिशत नगद गरि कुल १४ प्रतिशत लाभांश बितरण गर्ने प्रस्ताव गरेको छ । बैंकले उक्त लाभांशलाई नेपाल राष्ट्र बैंकको स्वीकृति र आगामी बार्षिक साधारण सभाबाट पारित भए पश्चात् वितरण गर्नेछ ।
हरेक क्षेत्र र वर्गका ग्राहकलाई सरल र सहज बैंकिङ्ग सेवा पुर्याउने उद्धेश्यका साथ बैंकले देशका ७ वटै प्रदेशमा १६५ शाखा, १२ एक्सटेन्सन काउन्टर, १३० शाखारहित बैंकिङ्ग सेवा, २०२ एटिएम मार्फत १५ लाख भन्दा बढी ग्राहक महानुभावहरुलाई सेवा प्रदान गर्दै आइरहेको छ ।
यस्तो छ माछापुच्छ्रे बैंकको १० वर्षको लाभांश इतिहास :
बैंकले १० वर्षको इतिहासमा सबैभन्दा धेरै लाभांश आर्थिक वर्ष २०७३/३ मा र २०७१/७२ मा दिएको थियो । बैंकले सो २ वर्षले क्रमश : २१.८४ र १६.८४ प्रतिशत लाभांश विरण गरेको भने यस्तै बैंकले १० वर्षमा सबैभन्दा कम लाभांश भने २०७४/७५ मा १० प्रतिशत लाभांश दिएको थियो ।
गत वर्ष बैंकले १ अर्ब ८५ करोड ११ लाख रुपैयाँ खुद नाफा कमाएको छ । बैंकको प्रतिसेयर आम्दानी १८ रुपैयाँ ५ पैसा र प्रतिसेयर नेटवर्थ १५९ रुपैयाँ १० पैसा रहेको छ ।
| S.N | Fiscal year | Cash Divident | Bonus share | Total Divident |
| 1 | 2070/2071 | 0.63 | 12 | 12.63 |
| 2 | 2071/2072 | 0.84 | 16 | 16.84 |
| 3 | 2072/2073 | 1.09 | 20.75 | 21.84 |
| 4 | 2073/2074 | 6 | 9 | 15 |
| 5 | 2074/2075 | 10 | 0 | 10 |
| 6 | 2075/2076 | 11 | 5 | 16 |
| 7 | 2076/2077 | 3.37 | 7.03 | 10.4 |
| 8 | 2077/2078 | 0.7 | 13.3 | 14 |
| 9 | 2078/2079 | 0 | 0 | 0 |
| 10 | 2079/2080 | 0.7 | 13.3 | 14 |
