काठमाडौं । रिलायबल लाइफ इन्स्योरेन्सको आईपीओ बाँडफाँटको मिति तय गरिएको छ । कम्पनीको आईपीओ बुधबार साँझ ५:३० बजे बिक्री प्रबन्धक सिभिल क्यापिटलको कार्यालयमा बाँडफाँट गरिने भएको छ ।
उक्त कम्पनीको आईपीओमा कुल १ करोड ७४ लाख ८६ हजार २८० कित्ता शेयरको लागि आवेदन परेको छ । कम्पनीको आईपीओमा माग भन्दा बढी आवेदन परेकोले गोलाप्रथाबाट १० कित्ताका दरले शेयर वितरण गरिने कम्पनीले जनाएको छ । जसअनुसार ९ लाख ६० हजार जनाले मात्र उक्त शेयर पाउने भएका छन् ।
कम्पनीले असार २७ देखि १ अर्ब २० करोड रुपैयाँ बराबरको प्रति शेयर १०० रुपैयाँ अंकित मूल्यमा १५७ रुपैयाँ प्रिमियम मूल्य सहित २५७ रुपैयाँका दरले १ करोड २० लाख कित्ता शेयर निष्काशगरेको थियो । सोही शेयर भोली बाँडफाँट गर्न लागिएको हो ।
