काठमाडौं । नेपाल स्टक एक्सचेन्ज नेप्सेले ७ नयाँ ब्रोकर कम्पनीलाई सदस्यता प्रमाणपत्रसँगै ब्रोकर नम्बर दिएको छ। नेप्सेले शुक्रबार सदस्यता प्रमाणपत्र ब्रोकर नम्बर दिएको हो ।
सदस्यताको प्रमाणपत्र पाएसँगै एलिट स्टक हाउसले ब्रोकर नम्बर ६८ प्राप्त गरेको छ । त्यसैगरी इन्डेक्स सेक्युरिटिज ब्रोकर नम्बर ६९ पाएको छ भने इन्फिनिटी सेक्युरिटिजले ब्रोकर नम्बर ७० प्राप्त गरेको छ ।
यता, शुभकामना सेक्युरिटिजले ब्रोकर नम्बर ७१ पाएको छ भने हातेमालो फाइनान्सियल सर्भिसेसलाई ब्रोकर नम्बर ७२ दिइएको छ । कलश सेक्युरिटिजले ब्रोकर नम्बर ७४ प्राप्त गरेको छ भने ब्रोकर नम्बर ७३ पाउनेमा मनि वल्र्ड सेयर एक्सचेन्ज रहेको छ ।
योसँगै कारोबार सदस्यता पाउने नयाँ ब्रोकरको संख्या १४ पुगेको छ । यसअघि नयाँ ७ वटा ब्रोकरले नेप्सेबाट कारोबार सदस्यता पाएका थिए । यी कम्पनीले अब सिडीएसबाट राफसाफ सदस्यता लिएपछि कारोबार सुरु गर्न सक्ने छन्।
