काठमाडौं । नेपाल प्रहरीका १ जना प्रहरी उपरीक्षक (एसपी) र २ जना नायब उपरीक्षक (डीएसपी) को काज सरुवा भएको छ । सोमबार नेपाल प्रहरी प्रधान कार्यालयले एसपी र डीएसपीको काज सरुवा गरेको हो ।
कार्यालयले एसपी सिताराम रिजाललाई जिल्ला प्रहरी कार्यालय मकवानपुर प्रमुखमा पठाएको छ ।
त्यस्तै, डीएसपी दधिराम न्यौपानेलाई जिल्ला प्रहरी कार्यालय बारामा र डीएसपी पुरुषोत्तम प्रसाद पाण्डेलाई नेपाल प्रहरी प्रधान कार्यालय अपराध अनुसन्धान विभाग, नक्साल काठमाडैंमा काज सरुवा गरिएको कार्यालयले जनाएको छ ।
