काठमाडौं । सुन तस्करी प्रकरणपछि त्रिभुवन अन्तर्राष्ट्रिय विमानस्थलका भन्सार प्रमुख फेरिएका छन् । भन्सार प्रमुखबाट अरुण पोखरेललाई हटाएर टोकराज पाण्डेलाई जिम्मेवारी तोकेको छ ।
अर्थ मन्त्रालयमा रहेका पाण्डेलाई विमानस्थलका भन्सार प्रमुखमा खटाइएको हो । पाण्डे आइतबारमात्रै राष्ट्रिय किताबखानाबाट अर्थ मन्त्रालयमा सरुवा भएका थिए ।
साउन ३ गते विमानस्थल भन्सार पार भएको सय किलो सुन सिनामंगलबाट राजस्व अनुसन्धान विभागले बरामद गरेको थियो । प्रमुखको जिम्मेवारीमा पोखरेल भएपनि सो समयमा उनी बिदामा रहेका थिए ।
