काठमाडौं । यो साता ५ कम्पनीको १० करोड २१ लाख २७ हजार ७ सय ८७ कित्ता शेयर नेप्सेमा सुचीकृत भएको छ । गत असार ३१ गतेदेखि साउन ४ गतेसम्म विभिन्न ५ कम्पनीको सो शेयर नेप्सेमा, सुचीकृत भएको हो ।
त्यस्तै, सिद्धार्थ इन्भेष्टमेन्ट ग्रोथ फण्ड ३ को गत असार ३१ गते सबैभन्दा बढी कित्ता शेयर नेप्सेमा सूचीकृत भएको छ । कम्पनीको ८ करोड ५ लाख ८० हजार कित्ता शेयर नेप्सेमा सूचीकृत भएको हो ।
त्यस्तै, साविकको अजोड इन्स्योरेन्स र युनाईटेड इन्स्योरेन्सको मर्जपश्चातको युनाइटेड अजोड इन्स्योरेन्सको नामबाट गत असार ३१ गते १ करोड ९० लाख ४५ हजार कित्ता शेयर सूचीकृत भएर कारोबारमा आएको छ ।
यो साता नेप्सेमा किसान लघुवित्त, हिमालयन लघुवित्त र अरुण काबेलीको बोनस शेयर सुचीकृत भएको हो । यस्तै, किसान लघुवित्तको ३ लाख २९ हजार र हिमालयन लघुवित्तको ३ लाख १६ हजार बढी कित्ता बोनस शेयर सूचीकृत भएको छ । यसका साथै अरुण काबेलीको १८ लाख ५५ हजार बढी कित्ता शेयर नेप्सेमा सूचीकृत भएको छ ।
| S.N | Company Name | Listing |
| 1 | Siddhartha Investment Growth Scheme 3 | 80580000 |
| 2 | Kisan Laghubitta Bittiya Sanstha | 329959 |
| 3 | United Ajod Insurance Limite | 19045680 |
| 4 | Arun Kabeli Power Limited | 1855211 |
| 5 | Himalayan Laghubitta Bittiya Sanstha | 316936 |
| Total | 102127786 |
