काठमाडौं । आइएमई लाइफ इन्स्योरेन्सको आईपीओ बाँडफाँट सम्पन्न भएको छ । कम्पनीको आइपीओ आज बिक्रि प्रबन्धक सिभिल क्यापिटलको कार्यालयमा बाँडफाँट गरिएको हो ।
कम्पनीको आईपीओमा माग भन्दा बढी आवेदन परेकोले गोलाप्रथा विधिबाट १० कित्ताका दरले शेयर वितरण हुनेछ । १० कित्ताका दरले शेयर बाँडफाँट गर्दा ९ लाख ६० हजार जनाले मात्रै सो शेयर पाएका छन् ।
कम्पनीको आईपीओमा कुल ११ लाख ९५ हजार ९३२ आवेदकले आवेदन दिएकोमा ११ लाख ८८ हजार ९ सय ९६ योग्य आवेदक कायम भएका थिए ।
कम्पनीले असार २१ गतेदेखि असार २५ गतेसम्म सर्वसाधारणलाई ९६ लाख कित्ता आईपीओ निष्काशन गरेको थियो । कम्पनीले अंकित मूल्य १०० रुपैयाँमा १३६।९१ रुपैयाँ प्रिमियम थप गरेर प्रति कित्ता २३६।९१ रुपैयाँमा शेयर निष्काशन गरेको हो । सोही आईपीओ शनिबार बाँडफाँट गर्न लागेको कम्पनीले जनाएको छ ।
