काठमाडौं । साताको दोस्रो कारोबार दिन नेप्से परिसूचक करिब स्थिर रहेको छ। नेपाल स्टक एक्सचेञ्ज (नेप्से) ०.८० अंकले घटेर २ हजार ७६ दशमलव ९६ विन्दुमा पुगेको छ । सोमबार २ सय ९३ स्क्रिपको ३ अर्ब ७९ करोड रुपैयाँ बराबरको १ करोड ११ लाख कित्ता शेयर किनबेच भएको छ ।
सोमबार नेप्से करिब स्थिर रहेपनि कारोबार रकम भने बढेको छ। अघिल्लो कारोबार दिन ३ अर्ब बराबरको शेयर कारोबार भएको थियो ।
१३ उपसमूहमध्ये यस दिन ७ उपसमूहको परिसूचक बढेको छ भने ६ उपसमूहको परिसूचक घटेको छ।आज कारोबारमा आएका १ सय १ कम्पनीको शेयर मुल्य बढेको छ । १ सय १२ कम्पनीको शेयर मुल्य घटेको छ भने ११ कम्पनकिो शेयर मूल्य सिथर छ ।
आज सबैभन्दा धेरै सोल्टी होटलको शेयर कारोबार भएको छ । कम्पनीको ३३ करोड १३ लाख रुपैयाँको शेयर कारोबार भएको छ । हिमालयन लाइफको २४ करोड ९१ लाख रुपैयाँको शेयर कारोबार भएको छ । त्यस्तै, प्राइम कमर्सियल बैंकको संस्थापक शेयरको करिब २५ करोड रुपैयाँ बराबरको कारोबर भएको छ।
सोमबार कारोबारमा आएको रावा इनर्जि डेभलपमेन्टको ९.९८ प्रतिशतले बढेको छ । गुहेश्वरी मर्चेण्ड एण्ड बैंकिङ्गको ७.२३ प्रतिशतले बढेको छ । श्वेत गंगा हाइड्रोपावर र अरुण काबेलीको शेयरमूल्य साढे ६ प्रतिशतभन्दा बढी बढेको छ।
