काठमाडौं । नेपाल स्टक एक्स्चेञ्ज (नेप्से) परिसूचक १३.७१ अंकले घटेर २१६५.१० विन्दुमा पुगेको छ । साताको पहिलो दिन नेप्सेमा १ करोड ७ लाख ५९ हजार ५ सय ७९ कित्ता शेयर ३ अर्ब ८६ करोड रुपैयाँमा कारोवार भएको हो ।
आज कारोवारमा आएका २ सय १० कम्पनीमध्ये ४१ को शेयरमूल्य बढेको, १ सय ६६ को घटेको र ३ को स्थिर रहेको छ । १३ मध्ये बैंकिङ उपसमूह र म्युचुअल फण्ड बाहेक अन्य उपसमूहको सूचक घटेको छ ।
नेप्सेका अनुसार आज कारोवारमा आएका मध्ये आदर्श लघुवित्त वित्तिय संस्था लिमिटेडको शेयरमूल्यमा मात्र सकारात्मक सर्किट लागेको छ ।
आज सबैभन्दा धेरै कित्ता शेयर र धेरै रकमको कारोवार कुमारी बैंक लिमिटेडको भएको छ ।
