काठमाडौं । युनाइटेड इन्स्योरेन्सको शेयर कारोबार रोक्का भएको छ । बिहीवार नेप्सेले सो कम्पनीको शेयर कारोबार रोक्का राखेको होे ।
युनाइटेड इन्स्योरेन्स र अजोड इन्स्योरेन्सले मर्जरका लागि सम्झौता गरेसँगै शेयर कारोबार रोक्का भएको छ ।
मंगलवार दुबै कम्पनी बिच मर्जर सम्झौता भएको थियो । उक्त सहमतिपत्रमा युनाइटेड इन्स्योरेन्सका सञ्चालक रविन्द्र राज पन्त र अजोडका सञ्चालक चिरञ्जिवी दावाले प्रारम्भिक सहमतिपत्रमा हस्ताक्षर गरेका छन् ।
सम्झौता अनुसार कम्पनीको स्वाप रेसियो १००ः९० को अनुपातमा मर्जर गर्ने सहमति भएको छ ।
मर्जर पछि बन्ने कम्पनीको नाम युनाइटेड अजोड इन्स्योरेन्स राख्ने सहमति भएको छ भने प्रमुख कार्यकारी अधिकृतमा अजोडका कुमार बहादुर खत्री हुने सहमति भएको छ ।
