काठमाडौं । आज ३ वटा कम्पनीको साधारणसभा हुँदैछ । बिहीवार चन्द्रगिरि हिल्स, सालिङ पावर कम्पनी र हेवाखोला हाइड्रोपावरले साधारण सभा गर्न लागेका हुन् ।
सभा घोषणा गरेका कम्पनीमा चन्द्रगिरि हिल्सले चन्द्रागिरि हिल्स लिमिटेड, थानकोटमा बिहान ११ बजे बस्ने गरि साधारणसभा बोलाएको छ । लेखा परीक्षकको नियुक्ति गर्ने, निर्देशकहरूको निर्वाचन गर्ने लगायतका एजेण्डा राखेको छ । सो कम्पनीले यो वर्ष लगानीकर्तालाई कुनै लाभांश दिएको छैन ।
त्यस्तै, सालिङ पावर कम्पनीले ज्वागल भोज, ललितपुरमा बिहान ११ बजे बस्ने गरि साधारणसभा बोलाएको छ । कम्पनीको एजेण्डामा लेखा परीक्षकको नियुक्ति गर्ने,प्रधान कार्यालयको स्थान स्थानान्तरण गर्ने,निर्देशकको नियुक्ति गर्ने लगायतको रहेको छ।
हेवाखोला हाइड्रोपावरले युनियन हाउस, अनामनगर, काठमाडौंमा सभा गर्न लागेको छ । सो सभा बिहान ११ बजे बस्ने कम्पनीले जनाएको छ । सो सभाकोे लेखा परीक्षकको नियुक्ति गर्ने, निर्देशकको निर्वाचन गर्ने लगायतको एजेण्डा रहेको छ ।
