काठमाडौं । कुमारी र एनसीसी बैंकले आजदेखि एकिकृत कारोबार सुरु गर्दैछन् । कुमारी र एनसीसी बैंकले मर्जर गरेपछि एकिकृत कारोबार आजदेखि सुरु गर्न लागेका हुन् ।
यी दुबै बैंकले एकिकृत कारोबार प्रयोजनका लागि पुस १५ र १६ गते बैंकका सम्पुर्ण सेवाहरु बन्द गरेका थिए । यी दुबै बैंकले गत असोज १० गते मर्जर सम्झौता गरेका थिए। दुबै बैंकले समान हैसियत अर्थात् १ः१ स्वाप रेसियोमा गाभिने सहमति गरेका छन् ।
नेपाल राष्ट्र बैंकले यी दुबै बैंकलाई मर्जरका लागि पुस ९ गते अन्तिम स्वीकृति प्रदान गरेकाे थियाे । मर्जर भएपश्चात् सो बैंकको चुक्ता पूँजी २६ अर्वभन्दा बढी हुनेछ । निक्षेप ३ खर्ब रुपैयाँ र कर्जा २ खर्ब हुनेछ ।
मर्जर पश्चात बैंकको केन्द्रिय कार्यालय हाल कुमारी बैंकको केन्द्रिय कार्यालय रहेको स्थान काठमाडौं टंगालमा नै रहने बैंकले जनाएको छ ।
साथै आजदेखि १५ दिन यी दुबै बैंकको शेयर कारोबार रोक्का हुने भएको छ । आजदेखि सो बैंकले एकीकृत कारोबार गर्ने भएकोले शेयर मिलान, धितोपत्र पुनः दर्ता, धितोपत्रको अभौतिकिकरण तथा सूचिकरण प्रयोजनको लागि आजदेखि१५ दिन कारोबार बन्द अुने बैंकले जनाएको छ।
