विन नेपाल लघुवित्त वित्तीय संस्था लिमिटेडले साधारण शेयरको थप सार्वजनिक निष्काशन (एफपीओ) जारी गर्ने भएको छ । उक्त एफपीओ निष्काशन तथा विक्री प्रबन्धकका लागि कम्पनीले नेपाल एसबिआई मर्चेण्ट बैंकिङ्गलाई नियुक्त गरेको छ ।
नेपाल एसबिआई मर्चेण्ट बैंकिङ्गको कार्यालयमा आज आयोजित एक समारोहबिच एसबिआई मर्चेण्ट बैंकिङ्गका तर्फबाट प्रबन्ध संचालक तथा प्रमुख कार्यकारी अधिकृत देव राज अधिकारी र विन नेपाल लघुवित्तको तर्फबाट प्रमुख कार्यकारी अधिकृत वसन्त बहादुर शाक्यले धितोपत्र निष्काशन तथा विक्री प्रबन्धक सम्बन्धी सम्झौतापत्रमा हस्ताक्षर गरेका छन् ।
कम्पनीले प्रति शेयर अंकित मूल्य १ सय मा प्रिमियम थप गरी एफपीओ निष्काशन गर्न लागेको हो ।
