काठमाडौं । निःशुल्क सी–आस्वा दिने बैंकको संख्या ६ पुगेको छ । नेपाल धितोपत्र बोर्डले शुल्क घटाएसँगै प्राथमिक शेयर निष्काशनकमा प्रयोग गरिने उक्त प्रणाली क्रमशः निःशुल्क बन्दै गएको हो ।
अहिलेसम्म सीआस्वा सेवा निःशुल्क गर्ने बैंकहरुमा नबिल बैंक, सानिमा बैंक, एनआईसी एशिया बैंक, कुमारी बैंक, राष्ट्रिय बाणिज्य र नेपाल बैंक रहेका छन् ।
नेपाल धितोपत्र बोर्डले सी–आस्वा सेवाको शुल्क अधिकतम ५ रुपैयाँसम्म लिन पाउने व्यवस्था गरेको छ । यसअघि आईपीओ भर्दा बैंकहरुले १० देखि १०० रुपैयाँसम्म लिन पाउने व्यवस्था थियो ।
