काठमाडौं । आईएमईले ‘घण्टी बज्यो’ नामक नयाँ अफर सार्वजनिक गरेको छ । अफर अनुसार विदेशबाट पठाएको रेमिट्यान्स सीधै आईएमई पे मोबाइल वालेट एपमा प्राप्त गर्ने २ जना भाग्यशाली विजेताले रेडमी टेन ए स्मार्टफोन जित्न सकिने बताइएको छ ।
यो योजना साउन २७ गतेदेखि भदौ १० गतेसम्म दुई हप्ताका लागि कायम रहनेछ । अफरमा यसरी रेमिट्यान्स प्राप्त गर्ने व्यक्तिहरुबाट हरेक हप्ता १–१ लाई गोला प्रथाबाट विजेता घोषित गरी स्मार्टफोन हस्तान्तरण गरिने आईएमईले जनाएको छ ।
