काठमाडौं । बाग्मती प्रदेश श्रम, रोजगार तथा यातायात मन्त्रालयले सवारी चालक अनुमति पत्रको आवेदनको लागि कोटा थप गरेको छ । मन्त्रालयले शुक्रबार बेलका ४ बजेदेखि लागुहुनेगरि दैनिक ३ हजार ६ सय ७५ जनाले आवेदन दिन सक्ने व्यवस्था गरेको हो ।
त्यस्तै, अहिलेसम्म बागमति प्रदेशमा पर्ने यातायात कार्यालयहरूकबाट दैनिक २ हजार ४ सय ६० जनाले मात्रै आवेदन दिन सक्ने व्यवस्था गरेको थियो भने आजबाट भने दैनिक ३ हजार ६ सय ७५ जनाले आवेदन दिन सक्ने मन्त्रालयले जनाएको छ ।
मन्त्रालयले यातायात व्यवस्था कार्यालय एकान्तकुनाको आवेदन संख्या घटाएको छ । गत असार २८ गते ४ सय ७५ जना आवेदन संख्या कायम गरेकोमा अहिले घटाएर ४ सय २५ जना कायम गरेको छ ।
त्यस्तै, ठूलोभर्याङमा आवेदन संख्या भने बढाएको छ । गत असार २८ गते मन्त्रालयले ४ सय ७० आवेदन संख्या कायम गरेकोमा अहिले ८ सय जनाले आवेदन दिन सक्ने व्यवस्था गरेको छ ।
भक्तपुर राधेराधेमा यसअघि ६ सय ९५ कायम गरेको थियो भने अबदेखि ९ सय ५० जना आवेदन दिन सक्ने व्यवस्था गरेको छ । त्यस्तै, चावहिमा ४ सय ७० जना रहेकोमा अहिले ८ सय जना आवेदन दिन सक्ने व्यवस्था गरेको छ भने हेटौंडामा ३ सय ५० जना रहेकोमा अहिले ७ सय जनाले आवेदन दिन सक्ने व्यवस्था गरेको छ ।
