काठमाडौं । आज नेपाल स्टक एक्सचेञ्ज (नेप्से) परिसूचक १९.०६ अंकले घटेर २ हजार ३७ दशमलव ८३ विन्दुमा झरेको छ । आज २ सय २३ स्क्रिपको १ अर्ब ७६ करोड रुपैयाँ बराबरको ६२ लाख ९८ हजार कित्ता शेयर किनबेच भएको छ ।
विहीबार ३२ कम्पनीको शेयर मुल्य बढेको छ । १ सय ५० कम्पनीको शेयर मुल्य घटेको छ भने १ कम्पनीको शेयर मुल्यमा स्थिर आएको छ । यस दिन १३ उपसमूहमध्ये म्युचुअल फण्ड उपसमूहको परिसूचक मात्र बढेको छ। सो उपसमूहको परिसूचक यस दिन ०.४६ प्रतिशत बढेको छ।
आज सवैभन्दा धेरै शिवम् सिमेन्टको ७ करोड २७ लाख रुपैयाँको शेयर कारोबार भएको छ ।त्यस्तै, हिमालयन डिष्टिलरीको ६ करोड १२ लाख रुपैयाँको शेयर कारोबार भएको छ । नेष्डो समृद्ध लघुवित्त वित्तीय संस्थाको ५ करोड ४६ लाखमाथिको शेयर कारोबार भएको छ ।
आज सबैभन्दा धेरै हिमालयन हाइड्रोपावरको ९.९९ प्रतिशतले बढेको छ भने अपर हेवाखोला हाइड्रोपावर कम्पनी ९.९८ प्रतिशतले बढेको छ ।
