काठमाडौं । प्रहरीले लागु औषध गाँजा जस्तो देखिने पदार्थ १० किलोसहित एक जना पक्राउ गरेको छ । धादिङबाट काठमाण्डौतर्फ आउँदै गरेको बा ८० प १०३३ नम्बरको मोटरसाइकलमा नागढुङ्गाबाट खटिएको प्रहरीले चेक जाँच गर्दा जेब्रा झोलाभित्र लुकाई छिपाई लिई आएको अबस्थामा पक्राउ गरेको हो ।
पक्राउ पर्नेमा २० बर्षीय तेज तामाङ रहेका छन् । प्रतिबन्धित लागु औषध गाँजा जस्तो देखिने पदार्थ फेला परेकोले गाँजा बरामद गरी उनलाई नियन्त्रणमा लिइएको प्रहरीले जनाएको छ ।
तामाङमाथि लागु औषध नियन्त्रण ऐन, २०३३ को कसूरमा सम्मानीत काठमाण्डौ जिल्ला अदालतबाट दिन–७ को म्याद थप अनुमति प्राप्त भई प्रहरी बृत्त थानकोटबाट थप अनुसन्धान भई रहेको प्रहरीले जनाएको छ ।
