काठमाडौं । कान्तिपुर टेलिभिजनले सर्वसाधारणलाई आईपीओ जारी गर्ने भएको छ । कम्पनीले उक्त आईपीओ निष्काशन तथा विक्री प्रबन्धकका लागि सानिमा क्यापिटललाई नियुक्त गरेको छ ।
कम्पनीले १ सय अंकित दरमा प्रिमियम मूल्य थपेर कूल ७ लाख ५० हजार कित्ता सेयर जारी गर्न लागेको हो । सोसम्बन्धी सम्झौतापत्रमा बिहीबार कान्तिपुर टेलिभिजनका अध्यक्ष तथा प्रबन्ध निर्देशक कैलाशप्रसाद सिरोहिया र सानिमा क्यापिटलका प्रमुख कार्यकारी अधिकृत भीष्मराज चालिसेले हस्ताक्षर गरेका हुन् ।
अध्यक्ष सिरोहियाले आफुहरुले १९ वर्षसम्म मेहनत गरेर दर्शकको विश्वास जितेको र अब यो सफलतामा सर्वसाधारण लगानीकर्तासँग साझेदारी गर्न टेलिभिजनलाई पब्लिक लिमिटेड बनाएर शेयर निष्काशनको तयारीमा जुटेको छ ।
