काठमाडौं । युक्रेन सहरमा रहेको एक सपिङ मलमा रुसी मिसाइल आक्रमणमा परी १६ जनाको मुत्यु भएको छ भने ५९ जना घाइते भएका छन् । घाइतेमध्ये २५ जना अस्पतालमा भर्ना भएका छन् ।
सपिङ सेन्टरमा हमलापछि भग्नावशेष हटाउने र आगो निभाउने कार्य भइरहेको छ । आक्रमणको समयमा हजारौँ सर्वसाधारण उक्त सपिङ मलमा रहेको युक्रेनी राष्ट्रपति भोलोदिमिर जेलेन्स्कीले समाजिक सञ्जाल फेसबुक मार्फत जानकारी दिएका छन् ।
जेलेन्स्कीले फेसबुकमा लेखेका छन् ‘मलमा आगो लागेको छ, उद्धारकर्ताहरू आगो निभाउने क्रममा छन् । पीडितहरूको संख्या कल्पना गर्न असम्भव छ’।
