काठमाडौं । स्थानीय तह निर्वाचनको लागि म्यादी प्रहरीमा भर्ना खुला भएको छ । प्रहरी प्रधान कार्यालयले एक लाख जना म्यादी प्रहरीका लागि चैत ६ देखि ११ गतेसम्मको समय दिएर भर्ना खुलाएको हो ।
इच्छुक व्यक्तिले जिल्ला प्रहरी कार्यालयमार्फत् फाराम लिएर भर्न सक्नेछन् । १८ देखि ५४ वर्षका व्यक्तिले म्यादी प्रहरीका लागि आवेदन दिन सक्ने कार्यालयले जनाएको छ ।
म्यादी प्रहरी भर्नाका लागि नेपाली सेना, नेपाल प्रहरी र सशस्त्र प्रहरी बलका पूर्वसुरक्षाकर्मीलाई प्राथमिकता दिइने उल्लेख गरिएको छ ।
