काठमाडौं । सार्वजनिक स्थानमा जाँदा मास्क लगाएर हिँड्नुपर्ने बाध्यता अन्त्य भएको छ । विगत २ महिनादेखि जारी स्मार्ट लकडाउन अन्त्य भएसँगै यो बाध्यता अन्त्य भएको हो ।
काठमाडौं उपत्यकाका तीनवटै जिल्ला प्रशासन कार्यालयले आजदेखि स्मार्ट लकडाउन पूर्ण रुपमा अन्त्यको घोषणा गरेका छन् ।
शुक्रबार विज्ञप्ति जारी गर्दै प्रशासनले यसअघि जारी भएका स्मार्ट लकडाउनसम्बन्धी आदेश अन्त्य गरेको जनाएका हुन् ।
