काठमाडौं । नेपाल स्टक एक्सचेञ्ज परिसुचक (नेप्से) २५.४१ अकंले बढेको छ । यस साताको दोस्रो दिन नेप्से सो बराबर बढ्न आउँदा २ हजमर ७ सय १८ दशमलव ५१ प्रतिशतले बढेको हो ।
नेपाल स्टक एक्सचेञ्जका अनुसार सोमबार २ सय २४ कम्पनीको २ अर्ब ९९ करोड बराबरको ४९ लाख ९२ हजार कित्ता शेयर किनबेच भएको छ । आज नेप्से परिसुचक बढेपनि कारोबार रकममा भने गिराबट आएको छ । आज कारोबारमा आएका सबै परिसुचकमा हरियाली छाएको छ । आज सबै भन्दा बढी हाइड्रोपाबरका लगानीकर्ताले कमाएका छन् ।
शेयर बजारमा बैंकिङ ०.९५ , होटल तथा पर्यटन १.१६ अंक, माइक्रोफाइनान्स ०.२४ प्रतिशतले बढेको छ । निर्जीवन बीमा ०.३२, जलविद्युत २.२४ प्रतिशतले बढेको छ । विकास बैंक ०.४९, फाइनान्स १.२, उत्पादन समूह ०.९९ र जीवन बीमा समूह ०.१३ ,अन्य उपसमूह १.२५ प्रतिशत र लगानी समूह १.१२ प्रतिशतले बढेको छ ।
नेप्सेका अनुसार आज २ कम्पनीमा सकारात्मक सर्किट लागेको छ । शेयर बजारमा शेयर मुल्य वृद्धि हुने युनाईटेड मदी–इर्दी आर वि हाइड्रोपावर र गुरासँ लघुवित्त रहेको छ । युनाईटेड मदी–इर्दी आर वि हाइड्रोपावरको शेयर मुल्यमा १० प्रतिशतले बढेको छ भने गुरासँ लघुवित्तको करिब १० प्रतिशतले बढेको हो ।
