काठमाडौं । आईएमई जनरल इन्स्योरेन्सले हकप्रद शेयर निष्कासनको मिति तोकेको छ । सो कम्पनीको १०ः४ अनुपातको दरले हकप्रद शेयर निष्काशन गर्न लागेको हो ।
सो हकप्रद शेयरका लागि फागुन २२ गतेदेखि चैत १३ गतेसम्म आवेदन खुला हुने भएको छ । कम्पनीले ४६ करोड ३० लाख रुपैयाँ बराबरको ४६ लाख ३० हजार कित्ता हकप्रद शेयर निष्काशन गर्ने भएको छ ।
माघ २८ गतेसम्म दोस्रो बजारमा शेयर कायम भएका शेयरधनीहरुले उक्त हकप्रद शेयर निष्कासनका लागि योग्य हुनेछन् ।
हकप्रद शेयर निष्काशनको लागि कम्पनीले ग्लोबल आईएमई क्यापिटललाई बिक्रि प्रबन्धकमा नियुक्त गरेको छ । हकप्रदका लागि सीआश्वा सेवा भएका सम्बन्धित बैंक वा तोकिएको काउन्टरबाट समेत आवेदन दिनसक्ने जनाइएको छ ।
