काठमाडौँ, ३१ भदौः स्थानीय बजारमा सुनचाँदीको मूल्य आज बढेको छ। सुन प्रतितोला १ हजार ७०० रुपैयाँ र चाँदी ८५ रुपैयाँले महँगिएको हो।
नेपाल सुनचाँदी व्यवसायी महासङ्घका अनुसार आज छापावाल सुन प्रतितोला ३ लाख १ हजार ८०० रुपैयाँ पुगेको छ। चाँदीको मूल्य पनि बढेर प्रतितोला ४ हजार ६८५ रुपैयाँ कायम भएको छ।
मङ्गलबार छापावाल सुन प्रतितोला ३ लाख १०० रुपैयाँ र चाँदी ४ हजार ६०० रुपैयाँमा कारोबार भएको थियो।
यसअनुसार एकै दिन सुनको मूल्य १ हजार ७०० रुपैयाँ र चाँदीको मूल्य ८५ रुपैयाँले वृद्धि भएको हो।
