काठमाडौं । २५ वाणिज्य बैंकले प्रमुख कार्यकारी अधिकृतका लागि ४६ करोड ८७ लाख रुपैयाँ भुक्तानी गरेको छ । बैंकहरुले प्रकाशित गरेको आर्थिक वर्ष २०७७/७८ को वार्षिक प्रतिवेदन अनुसार २७ वाणिज्य बैंकमध्ये सो संख्यामा बैंकहरुले सो बराबर भुक्तानी गरेका हुन् ।अघिल्लो वर्ष ती बैंकहरुले कुल ४८ करोड भुक्तानी गरेका थिए ।
दुई बैंकहरुका सीईओको तलब भने सार राष्ट्रिय वाणिज्य बैंक र एनआईशी एशिया बैंक बाहेक अन्य बैंकहरुले प्रमुख कार्यकारी अधिकृतका लागि सो बराबरको रकम भुक्तानी गरेको हो ।
राष्ट्रिय वाणिज्य बैंकले वार्षिक विवरण सार्वजनिक गरेको छैन भने एनआईशी एशिया बैंकले साधारणसभा नै आह्वान नगरेकोले वार्षिक विवरण प्रकाशन गरेको छैन ।
कसको तलब कति ?
२५ वाणिज्य बैंकले प्रकाशन गरेको प्रतिवेदन अनुसार वाणिज्य बैंकका सीईओहरुले अधिकतम ३ करोड ७० लाख रुपैयाँदेखि न्यूनतम ४१ लाख रुपैयाँसम्म तलब पाउने गरेका छन् ।
सबैभन्दा बढी तलब एभरेष्ट बैंकको सीईओले पाउने गरेका छन् । आर्थिक वर्ष २०७७/७८ मा एभरेष्टले सीईओलाई विभिन्न शीर्षकमा गरी ३ करोड ७० लाख रुपैयाँ दिएको छ ।
त्यस्तै, प्रभु बैंकले ३ करोड ४२ लाख, नेपाल इन्भेष्टमेन्ट बैंकले ३ करोड ६ लाख, हिमालयन बैंकले २ करोड ७९ लाख, स्ट्यान्डर्ड चार्टर्ड बैंकले २ करोड ७६ लाख, बैंक अफ काठमाण्डूले २ करोड ५६ लाख, नबिल बैंकले २ करोड ४५ लाख, सिद्धार्थ बैंकले २ करोड ११ लाख र प्राइम कमर्शियल बैंकले २ करोड ६ लाख रुपैयाँ भुक्तानी गरेको वार्षिक प्रतिवेदनमा उल्लेख गरिएको छ ।
अन्य बैंकका सीईओको तलब भने २ करोड रुपैयाँ भन्दा कम छ । सानिमा बैंकका सीईओको तलब १ करोड ८४ लाख, नेपाल एसबीआई बैंक र एनएमबि बैंकको १ करोड ७४ लाख, सेञ्चुरी कमर्शियल बैंकको १ करोड ५४ लाख र एनसीसी बैंकको १ करोड ५२ लाख रुपैयाँ बराबरको तलब तथा सुविधा रहेको छ ।
त्यसबाहेक नेपाल बंगलादेश बैंकका सीईओले वार्षिक १ करोड ४१ लाख रुपैयाँ तलब बुझ्ने गरेका छन् । योबाहेक अतिरिक्त भत्ता भने उनले आईएफआईसी बैंकबाट बुझ्ने गरेका छन् ।
त्यस्तै, ग्लोबल आईएमई बैंकले गत आर्थिक वर्षमा सीईओलाई १ करोड ३९ लाख रुपैयाँ मात्रै भुक्तानी गरेको जनाएको छ । सनराइज बैंकले १ करोड ३५ लाख, माछापुच्छ्रेले १ करोड २८ लाख, लक्ष्मी बैंकले १ करोड १५ लाख, सिभिल बैंकले १ करोड १४ लाख रुपैयाँ भुक्तानी गर्दा मेगा बैंकले सीईओलाई यो वर्ष निजी क्षेत्रका बैंकमध्येकै सबैभन्दा कम १ करोड १० लाख रुपैयाँ भुक्तानी गरेको जनाएको छ ।
सरकारी लगानीका वाणिज्य बैंकका सीईओको तलब भने निजी क्षेत्रका बैंकहरुको भन्दा निकै कम छ । नेपाल बैंकले यो वर्ष सीईओलाई तलब र अन्य सुविधा समेत गरी ५४ लाख ४३ हजार रुपैयाँ भुक्तानी गर्दा कृषि विकास बैंकले सबैभन्दा कम ४१ लाख रुपैयाँ भुक्तानी गरेको छ ।
कसको कति बढ्यो, कति घट्यो ?
तलब तथा सुविधामा भएको फरकजस्तै यो वर्ष बैंकहरुको सेवा सुविधा परिवर्तनमा पनि बैंकहरुबीच एकरुपता छैन । कुनै बैंकले सीईओलाई ५७ प्रतिशतसम्म सेवा सुविधा बढाउँदा कुनै बैंक यस्तो सुविधा आधा भन्दा कममा झारेको देखिएको छ ।
हिमालयन बैंकका सीईओ अशोक शम्शेर राणाको तलब सुविधा यो वर्ष ५७ प्रतिशतले बढेको छ । अघिल्लो वर्ष १ करोड ८० लाख रहेको उनको तल यो वर्ष २ करोड ८० लाख नजिक पुगेको हो ।
त्यस्तै, नबिल बैंकले पनि प्रमुख कार्यकारी अधिकृत अनिल शाहमाथिको खर्च ५० प्रतिशतले बढाएको छ । त्यस्तै सिद्धार्थ बैंकले २६ प्रतिशत तथा प्रभु बैंकले सीईओको सुविधा ३२ प्रतिशत बढाएका छन् ।
उता ग्लोबल आईएमई बैंकका सीईओको तलब भने ५७ प्रतिशतले घटेको देखिएको छ । अघिल्लो वर्ष सीईओका लागि ३ करोड २५ लाख रुपैयाँ खर्चिएको सो बैंकले समीक्षा वर्षमा यस्तो खर्च १ करोड ३९ लाखमा झारेको छ । खर्च घटेको देखिए पनि अघिल्लो वर्ष ग्लोबल आईएमई बैंकले जनता बैंक र तात्कालिन ग्लोबल आईएमई बैंकका सीईओको सुविधा समेत जोड्दा कुल खर्च त्यति पुगेको थियो । अहिले मर्जर प्रक्रिया सकिएर एकीकृत कारोबार सुरु भएका कारणले एकजना मात्रै सीईओलाई रकम भुक्तानी गर्नुपर्ने भएकोले यस्तो खर्थ कम देखिएको हो ।
उता माछापुच्छ्रे बैंकका सीईओको तलब तथा सुविधा पनि ४२ प्रतिशतले घटेको छ । सो बैंकले अघिल्लो वर्ष सीईओलाई २ करोड २३ लाख रुपैयाँ भुक्तानी दिएकोमा यो वर्ष १ करोड २८ लाख रुपैयाँ मात्रै दिएको छ । माछापुच्छ्रे बैंकमा अघिल्लो वर्ष तात्कालिन सीईओ सुमन शर्माले करार अवधि नसकिँदै बैंक छाडेका थिए । अवधि नसकिँदै सीईओले छोड्दा बैंकको दायित्व बढ्न गएको हो ।
मेगा बैंक र एभरेष्ट बैंकका सीईओको तलब सुविधा यो वर्ष क्रमशः ३५ प्रतिशत र २४ प्रतिशतले घटेको छ । यसमध्ये मेगाको गिरावट सामान्य अवस्थामै भएको हो । एभरेष्ट बैंकमा भने लामो समय प्रमुख कार्यकारी अधिकृत रिक्त रहेका कारण तलब सुविधाको कुल भुक्तानी कम देखिएको हो । हाल सीईओ रहेका सुदेश खालिङ कुलिङ पिरियडका कारण बैंकमा प्रवेश गर्न नसकेपछि बैंकमा सीईओ पद रिक्त लामो समय थियो ।
| Salary and other remuneration of Commercial Banks' CEOs | |||
|
S. N. |
Bank Name |
FY 2077/78 |
FY 2076/77 |
|
1 |
Everest Bank |
370.71 |
488 |
|
2 |
Prabhu Bank |
342.3 |
257.92 |
|
3 |
Nepal Investment Bank |
306.34 |
363.04 |
|
4 |
Himalayan Bank |
279.77 |
179.77 |
|
5 |
Standard Chartered Bank |
276.22 |
287 |
|
6 |
Bank of Kathmandu |
256.27 |
281.03 |
|
7 |
Nabil Bank |
245.02 |
162.34 |
|
8 |
Kumari Bank |
238.31 |
238.32 |
|
9 |
Siddhartha Bank |
211.19 |
155.17 |
|
10 |
Prime Commercial Bank |
206 |
185.19 |
|
11 |
Sanima Bank |
184.15 |
146.15 |
|
12 |
Nepal SBI Bank |
174.91 |
174.59 |
|
13 |
NMB Bank |
174.9 |
200.10 |
|
14 |
Century Commercial Bank |
157.18 |
154.56 |
|
15 |
NCC Bank |
152.37 |
135.88 |
|
16 |
Nepal Bangladesh Bank |
141 |
141 |
|
17 |
Global IME Bank |
139.78 |
325.28 |
|
18 |
Sunrise Bank |
135.05 |
135 |
|
19 |
Citizens Bank |
131.31 |
131.9 |
|
20 |
Machhapuchre Bank |
128.61 |
223 |
|
21 |
Laxmi Bank |
115.15 |
109.8 |
|
22 |
Civil Bank |
114.91 |
145.6 |
|
23 |
Mega Bank |
110.5 |
170 |
|
24 |
Nepal Bank |
54.43 |
46.96 |
|
25 |
Agriculture Development Bank |
41 |
36.40 |
| Source : Annual Report of relevant Bank | |||
