काठमाडौं । बैंकिङ् कसूर मुद्दाका फरार प्रतिवादी पक्राउ परेका छन् । पक्राउको लागी परिचालित टोलीले फरार राजेन्द्र कुमार श्रेष्ठलाई शुक्रबार वानेश्वर बाट पक्राउ गरेको हो ।
श्रेष्ठले आफ्नो खातामा पर्याप्त रकम नभएको भन्ने जानीजानी जाहेरवालालाई २०७६ साल कार्तिक २० गते सिभिल बैकको चेक काटी दिएको हुनाले बैंकिङ् कसूरजन्य अपराध गरेको ठहर गर्दै उनलाई उच्च अदालतले ५ दिन कैद र २६ लाख रुपैयाँ जरिवाना फैसला सुनाएको छ ।
अनुसन्धान ब्यूरोबाट फैसला कार्यान्वयन तथा फरार प्रतिवादीहरुको खोजतलास एवं पक्राउको लागी परिचालित टोलीले निज प्रतिबादीलाई वानेश्वर, काठमाडौंबाट पक्राउ गरी फैसला कार्यान्वयनको लागि आज सम्मानित काठमाडौं जिल्ला अदालतमा पेश गरेको छ ।
