काठमाडौं । मोटरसाइकल र स्कुटर चलाउनेलाई २५ रुपैयाँ सस्तो पेट्रोल दिने घोषणा भारतको एउटा राज्यले गरेको छ । भारतको उत्तरपूर्वी राज्य झारखण्डले राज्य सरकारको तर्फबाट सो घोषणा गरेको हो ।
घोषणा अनुसार मासिक १० लिटरसम्म पेट्रोल खरिदमा प्रदेश सरकारले २५ रुपैयाँ अनुदान दिनेछ । यो व्यवस्था आगामी जनवरी २६ तारिखदेखि लागु हुने जनाइएको छ ।
ट्वीटरमार्फत् यसको घोषणा गर्दै राज्यका मुख्यमन्त्री हेमन्त सोरेनले प्रदेश सरकारको २ वर्ष कार्यकाल पूरा भएको अवसरमा यस्तो राहत दिन लागेको बताए ।
यसअघि भारत सरकारले पेट्रोलको मूल्य अभिवृद्धि कर घटाएर पेट्रोलमा ५ रुपैयाँ र डिजेलमा १० रुपैयाँ मूल्य घटाएको थियो । तर, यसलाई लागु गर्ने सम्बन्धमा मौन रहेको झारखण्डले अहिले एकैपटक २५ रुपैयाँको राहत दिने घोषणा गरेको हो ।
यो घोषणाले निम्न तथा मध्यम वर्गको जनताको लागि उपयुक्त हुने विश्वास मुख्यमन्त्री सोरेनले व्यक्त गरेका छन् ।
पेट्रोल-डीजल के मूल्य में लगातार इजाफा हो रहा है, इससे गरीब और मध्यम वर्ग के लोग सबसे अधिक प्रभावित हैं। इसलिए सरकार ने राज्य स्तर से दुपहिया वाहन के लिए पेट्रोल पर प्रति लीटर ₹25 की राहत देगी, इसका लाभ 26 जनवरी 2022 से मिलना शुरू होगा:- श्री @HemantSorenJMM pic.twitter.com/MsinoGS60Y
— Office of Chief Minister, Jharkhand (@JharkhandCMO) December 29, 2021
