काठमाडौं । काँग्रेस महामन्त्रीमा गगन थापा र विश्वप्रकाश शर्मा निर्वाचित भएका छन् । बिहीबार भएको मतगणनामा दुई उम्मेदवारले सर्वाधिक मत पाएपछि उनीहरु निर्वाचित भएका छन् ।
अहिले मतगणना जारी छ । तर, कुल गन्न बाँकी मत भन्दा दुई उम्मेदवारको अग्रता बढी भएपछि उनीहरु निर्वाचित भएका हुन् । यसको आधिकारिक घोषणा भने हुन बाँकी छ ।
यसैबीच जीत पक्का भएसँगै विश्वप्रकाश शर्माले साढे ४ बजे सुन्दरीजल जेलमा पत्रकार सम्मेलनको आह्वान गरेका छन् । उनले उम्मेदवारीको घोषणा समेत त्यही जेलमा रुख रोपेर गरेका थिए ।
