काठमाडौं । नेपाल विद्युत् प्राधिकरणका सबै बिलिङ काउन्टरहरु ५ दिनका लागि बन्द भएका छन् । पुस १ गतेदेखि ५ गतेसम्म ती काउन्टरहरु बन्द गरिएका हुन् ।
मंसिरदेखि विद्युत्को नयाँ महशुल लागु भएपछि पुसदेखि प्राधिकरणले नयाँ दरअनुसार महशुल संकलन गर्दैछ । त्यसको लागि एम पावर बिलिङ सिस्टम लागु गर्ने तयारी प्राधिकरणको छ ।
यो प्रणाली पुस ५ गतेदेखि एकैसाथ लागु हुने भएकोले सो अवधिसम्म कुनै पनि काउन्टरबाट भुक्तानी नलिने प्राधिकरणले जनाएको हो ।
