काठमाडौं । मेगा बैंकले सीईओ अनुपमा खुञ्जेलीलाई एक वर्षमा १ करोड ४८ लाख रुपैयाँ भुक्तानी दिएको छ । बैंकले सार्वजनिक गरेको वार्षिक प्रतिवेदन अनुसार बैंकले तलव, दशैं भत्ता तथा इन्धन खर्च समेत गरी सो बराबरको भुक्तानी गरेको हो ।
बैंकले तलबबापत १ वर्षमा १ करोड २ लाख, दशैं भत्ताबापत ८ लाख ५० हजार तथा इन्धन खर्चबापत ३ लाख ७७ हजार ४ सय ५० रुपैयाँ भुक्तानी गरेको जनाएको छ ।
त्यस्तै, उच्च व्यवस्थापनमा रहेका कर्मचारीलाई बैंकले १२ करोड २४ लाख रुपैयाँ भुक्तानी गरेको छ ।
