काठमाडौं । नेपाली काँग्रेसको १४ औं महाधिवेशन अन्तर्गत सभापतिको छनौटका लागि पहिलो चरणको मतगणना सकिएको छ ।
मतगणना अनुसार सभापतिमा शेरबहादुर देउवाले २ हजार २ सय ४९ मत, शेखर कोइरालाले १ हजार ७ सय ५१ मत पाएका छन् । त्यस्तै प्रकाशमान सिंहले ३ सय ७१, विमलेन्द्र निधिले २ सय ४९ र कल्याण गुरुङले २० मत पाएका छन् । ७७ मत बदर भएको छ ।
कुल सदर मतको बहुमत कसैले नल्याए निर्वाचन दोस्रो चरणमा जानुपर्ने व्यवस्था अनुसार अब निर्वाचन दोस्रो चरणमा प्रवेश गरेको छ । दोस्रो चरणमा अब देउवा र कोइरालाबीच प्रतिस्पर्धा हुनेछ ।
