काठमाडौं । ऋण असुली न्यायाधीकरणले भक्तपुरको सिपाडोलमा रहेको १ रोपनी जग्गा लिलामी गर्ने भएको छ । तात्कालिन सिनर्जी फाइनान्सबाट लिइएको ऋण नतिर्दा ऋणी शिशिर रञ्जितकारको नाममा रहेको सो जग्गा लिलामी गर्न लागिएको हो ।
सो जग्गा खरिद गर्न चाहनेले ३५ दिनभित्र न्यायाधीरणको कार्यालयमा निवेदन दिनुपर्ने उल्लेख गरिएको छ । २०७६ सालमा गरिएको मुचुल्कामा सो जग्गाको मूल्य ४ लाख रुपैयाँ कायम गरिएको छ । सो मूल्य नघट्ने गरी मूल्य बोलकबोल गर्नुपर्नेछ ।
तर लिलामीका लागि खुलाइएको अवधिभित्र ऋणीले फाइनान्सको ऋण चुक्ता गरेमा लिलामी प्रक्रिया स्थागित हुने समेत उल्लेख गरिएको छ ।
