काठमाडौ । नेपाल प्रहरीले विभिन्न पदमा गरी २३ सय जनाभन्दा बढीको आवेदन माग गरेको छ । शुक्रबार एक सूचना जारी गर्दै प्रहरी प्रधान कार्यालयले इन्सपेक्टरदेखि धोवीसम्मका विभिन्न पदका लागि आवेदन माग गरेको हो ।
प्रधान कार्यालयको सूचना अनुसार प्रहरी निरीक्षक (जनपद)मा कुल १४६ जना र जवान पदको लागि १९७१ जनाको आवेदन माग गरिएको छ । आवेदन दिन चाहनेहरुले आवश्यक कागजात सहित पुष २३ गतेभित्र आवेदन बुझाउनु पर्नेछ ।
