काठमाडौं । सरकारले राष्ट्रिय सभाको निर्वाचन मिति माघ १२ गतेको लागि तोकेको छ ।
बिहीबार बसेको मन्त्रिपरिषद्को बैठकले आगामी माघ १२ गतेको लागि निर्वाचन मिति तोकिएको स्वास्थ्य तथा जनसङ्ख्या मन्त्री विरोध खतिवडाले जानकारी दिए । आगामी फागुन २० गतेबाट राष्ट्रिय सभाका २० सदस्यको पद रिक्त हुँदै छ ।
संविधानले राष्ट्रिय सभाका सदस्यको पदावधि सकिनुभन्दा ३५ दिन अगावै निर्वाचन गरिसक्नुपर्ने व्यवस्था गरेको छ । सोही अनुसार आज बसेको मन्त्रिपरिषद्को बैठकले निर्वाचनको मिति तय गरेको हो ।
यो निर्वाचनमा सत्तारुढ पाँचदलीय गठबन्धन एक हुने सम्भावना देखिएको छ । स्थानीय तहका प्रमुख र उपप्रमुख तथा प्रदेशसभाका सांसदहरुको मतभार अनुसार हुने यो निर्वाचनमा पछिल्लो अंकगणित हेर्दा सत्तारुढ गठबन्धनले सबै सिट हासिल गर्ने गर्नेछ ।
