काठमाडौं । नेपाल आर्थिक पत्रकार संघ (नाफिज) ले एक लाख रुपैयाँ राशीको पत्रकारिता पुरस्कार घोषणा गरेको छ ।
महालक्ष्मी लाइफ इन्स्योरेन्सका प्रमुख कार्यकारी अधिकृत रमेशकुमार भट्टराईकोले उपलब्ध गराएको अक्षय कोषमार्फत् नाफिजले भट्टराईका माता पिता (शारदा/ढुण्डीराज) को नाममा पुरस्कार दिने घोषणा गरेको हो ।
पुरस्कार सम्बन्धी सम्झौता पत्रमा बुधबार नाफिज अध्यक्ष मोदनाथ ढकाल र दाता भट्टराईले हस्ताक्षर गरेका छन् । कार्यक्रममा भट्टराईले नाफिजलाई अक्षय कोषबापत १० लाख रुपैयाँ बराबरको चेक हस्तान्तरण गरेका छन् ।
